Ўзбекистон, Тошкент - Batafsil.uz. Тошкентда Россиянинг "Вагнер" хусусий ҳарбий компанияси (ХҲК) таркибида хизмат қилган 25 ёшли йигитга ҳукм чиқарилди. У озодликни чеклаш жазосига ҳукм қилинди. Бу ҳақда Batafsil.uz мухбири хабар бермоқда.
Таҳририятимиз ихтиёридаги Жиноят ишлари бўйича Ангрен шаҳар судининг ҳукмига кўра, эркак 2021 йил июль ойида Самара вилоятига ишлаш учун кетган.
Бироз вақт ўтгач, эркак гиёҳванд моддалар савдоси билан шуғуллангани учун судланиб, жазони колонияда ўташга ҳукм қилинган. 2022 йил ноябрь ойида у "Вагнер" сафига қўшилган, шундан сўнг Украинага қарши жанговар ҳаракатларда иштирок этган.
Ўтган йилнинг октябрь ойида у ўз ватанига қайтиб келган ва у ерда ҳуқуқ-тартибот идоралари ходимлари томонидан қўлга олинган. Унинг телефонида жанговар ҳаракатларда иштирок этганини тасдиқловчи маълумотлар топилган.
Суд эркакни Жиноят кодексининг 154-моддаси (ёлланиш) бўйича айбдор деб топган. Унга беш йил муддатга озодликни чеклаш жазоси тайинланган.
Аввалроқ Тошкентда 50 ёшли ўзбекистонликка ёлланиш ва тақиқланган моддаларни сақлаш бўйича суд ҳукми ўқилган эди. Эркак Россиянинг "Вагнер" хусусий ҳарбий компанияси таркибида жанговар ҳаракатларда қатнашган. Унинг уйида тинтув ўтказилганда, ҳуқуқ-тартибот идоралари ходимлари гиёҳванд моддаларни топишган. Суд унга 5 йил-у 1 ой муддатга умумий тартибли колонияда жавозни ўташни тайинлаган.
Изоҳлар мавжуд емас