Ўзбекистон, Тошкент - Batafsil.uz. Бугун эрта тонгда Янгийўлда номаълум эркак аёлни аёвсиз калтаклади. Гувоҳларнинг сўзларига кўра, унинг қўлида пичоқ бўлган.
Воқеа Nemolchi.Uz зўравонликка қарши лойиҳаси каналида эълон қилиниши туфайли маълум бўлди. Зўравонлик акс этган видеони аёлга нисбатан зўравонликни кўрган одамлар юборган. Қайд этилишича, калтаклаш бугун, 31 июль куни тахминан эрталаб соат 5 да содир бўлган.
Видеодан кўриш мумкинки, эркак бақириб, қизни уриб, ерга йиқитган ва уришда давом этган. Қиз бу ҳақоратларга жавобан фақат йиғлаган, заррача қаршилик кўрсата олмаган.
Гувоҳлар зудлик билан ички ишлар органларига мурожаат қилиб, ариза ёзишди. Batafsil.uz таҳририяти ҳолат юзасидан ҳуқуқ-тартибот идораларига сўров юборди.
Аввалроқ Тошкентда эркак пойтахтнинг Қўйлиқ мавзесидаги турар жой ҳовлисида аёлни калтаклаганди. Фуқарога 15 сутка қамоқ жазоси тайинланган.
Изоҳлар мавжуд емас