Ўзбекистон, Тошкент – Batafsil.uz. Пойтахтда шифокорлар ичаклари чирий бошлаган 10 ойлик чақалоқни зудлик билан операция қилишди. Бу онаси унга чайналган фастфуд - лаваш ва қовурилган картошка едирганидан кейин содир бўлди.
Шифокорларнинг сўзларига кўра, бола кучли қусиш, қорин дам бўлиши, оғриқ ва ички қон кетиши билан касалхонага ётқизилган. Жарроҳлар ичакнинг шикастланган қисмини олиб ташлади ва вақтинчалик стомани - қорин бўшлиғидаги чиқиндилар ташқарига чиқариладиган махсус мослама ўрнатишди.
Бундай ҳолатда чақалоқ кейинги ичакни тиклаш операцияси ўтказилгунга қадар тахминан ярим йил яшайди. Шу вақтгача болага қатъий парҳез ва шифокорларнинг доимий назорати белгиланган.
Аввалроқ, жорий йилнинг январь ойида Фарғона шаҳридаги Республика шошилинч тиббий ёрдам маркази шифокорлари болалар конструкциясидаги 135 та магнит шарчани ютиб юборган 2 ёшли қизалоқни муваффақиятли операция қилган эди.
Изоҳлар мавжуд емас