Ўзбекистон, Тошкент – Batafsil.uz. Тошкентнинг Мирзо Улуғбек туман суди "Эко Арт" меҳмонхонаси администратори Умид Ортигалиевга чет эллик меҳмонга нисбатан одобсиз хатти-ҳаракатлари учун беш кунлик маъмурий қамоққа олиш тўғрисида қарор қабул қилган. Суд қарорининг нусхаси таҳририятимизда мавжуд.
Ҳодиса 20 октабрь куни юз берган. Россия фуқароси Ксения Постникова ҳуқуқ-тартибот идораларига мурожаат қилиб, меҳмонхона ходими маст бўлганида, унга нисбатан номақбул хатти-ҳаракатлар қилгани ҳақида хабар берган.
Суд мажлисида эркак ўз айбини тўлиқ тан олган. Унинг сўзларига кўра, у кечқурун меҳмонхонанинг икки меҳмони билан ичиб, кейин улардан бирининг хонасига кириб, оёғига теккан. Судланувчи содир бўлган воқеадан афсусда эканлигини билдирган ва ўзини назорат қилмаганлигини айтиб, жабрланувчидан кечирим сўраган.
Суд унинг ҳаракатларини Маъмурий ҳуқуқбузарликлар тўғрисидаги Кодекснинг 41-1-моддаси 1-қисми (жинсий тегажонлик) бўйича малакалаган. Жазо сифатида Ортигалиевга беш кунлик маъмурий қамоқ тайинланган. Шунингдек, у махсус хибсхонада сақланган ҳар бир кун учун 281 250 сўм тўлаши керак.
Изоҳлар мавжуд емас