Загрузка
Загрузка
Транспорт вазирлиги авиачипталар нархи 20 фоизга арзонлашишини  эълон қилди. Бу Ҳаво кодексига арзон авиакомпаниялар фаолиятига тегишли ўзгартиришлар киритилгандан кейин юз беради
Ҳодисалар

Транспорт вазирлиги авиачипталар нархи 20 фоизга арзонлашишини эълон қилди. Бу Ҳаво кодексига арзон авиакомпаниялар фаолиятига тегишли ўзгартиришлар киритилгандан кейин юз беради

1729
Загрузка

Ўзбекистон, Тошкент – Batafsil.uz ЯА. Дастлабки ҳисоб-китобларга кўра, Ўзбекистон Ҳаво кодексига лоукостерлар фаолияти билан боғлиқ ўзгартириш ва қўшимчалар киритилиши чипталар нархини 20 фоизга арзон қилиш имконини беради. Бу ҳақида Транспорт вазирининг биринчи ўринбосари Илҳом Маҳкамовнинг сўзларига асосланиб мухбиримиз хабар бермоқда.

"Тижорат фаолиятнинг гибрид моделига эга авиакомпаниялар, жумладан лоукостерлар томонидан кўрсатиладиган хизмат турларини ривожлантириш ва кенгайтириш учун қулай шарт-шароитларни яратиш мақсадида Ҳаво кодексига тегишли ўзгартириш ва қўшимчалар қилиш назарда тутилган. Бу юксиз ва қайтариб берилмайдиган чипталарни сотишга имкон беради. Дастлабки ҳисоб-китобларга қараганда, бу авиачипталар нархини 20 фоизга пасайтиришиши мумкин", - деди у Uzbekistan Airports, Aviation & Logistics Forum Халқаро авиация форуми давомида.

Эслатиб ўтамизки, сўнгги икки йил ичида Ўзбекистонда арзон нархлардаги авиакомпания, яъни лоукостерлар тузилиши ҳақида гап-сўзлар бормоқда. Даставвал, Uzbekistan Airways миллий авиакомпанияси бунга катта қизиқиш билдирган эди. Бироқ, кейинчалик компания алоҳида "бюджет" авиаташувчисини яратмаслигини эълон қилди.

Бундан ташқари, Қозоғистоннинг хусусий FlyArystan авиакомпанияси Ўзбекистон бозорига киришга қизиқиш билдираётганлиги ҳақида маълумотлар пайдо бўлди. Бироқ, ҳозирги кунга қадар бу режаларнинг барчаси амалга ошганича йўқ.

Шу билан бирга, лоукостер тузишни режалаштирган SilkJet хусусий авиакомпанияси асосчиси Алишер Анназаров Ўзбекистон авиация саноати монополиядан чиқарилманлигини айтиб ўтди. Монополияни 3 қисмга бўлган худди шу компания (собиқ МАК) бозорда қолиб, бўлинган компанияларнинг ҳар-бири ўз жавобгарлик ҳудудига эга бўлди.

"Шундай қилиб, инвесторлар авиация саноатида монополиянинг йўқлиги ва янги ташкил этиладиган хусусий авиакомпания 100 фоиз давлатга тегишли бўлган компания томонидан камситилмаслигидан далолат берувчи белгиларни кўрмаяптилар", - деди у.

Анназаровнинг сўзларига кўра, уларнинг (инвесторларнинг) хавотирлари зарарли ва самарасиз авиакомпания давлат томонидан қўллаб-қувватланаётгани, унга улкан молиявий маблағлар, шу жумладан унга давлат кафолатлари шаклида сармоя киритиш давом этаётганлиги билан далилланади. Қолаверса, янги Humo Air авиакомпаниясининг яратилиши ҳақида пайдо бўлган маълумотлар Ўзбекистонда хусусий авиакомпанияни ташкил этиш билан боғлиқ лойиҳаларга сармояларни жалб этишга тўсиқлик қилади.

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...