Ўзбекистон, Тошкент - Batafsil.uz. 24 октябрь куни Туркиянинг Невшеҳир вилоятида жойлашган Каподокия аэропортида беш нафар Ўзбекистон фуқароси гўшт майдалагич ва хамир қориш машиналари ичига яширилган 61 килограмм 121 грамм контрабанда олтинни мамлакатга олиб киришга уринишида қўлга олинди.
Расмий маълумотларга кўра, операция Невшеҳир вилояти ички ишлар бошқармасига қарашли Контрабанда ва уюшган жиноятчиликка қарши кураш бўлими томонидан, Невшеҳир ва Гулшеҳир бош прокуратуралари раҳбарлигида амалга оширилган.
Текширув пайтида гўшт майдалагич ва хамир қориш машиналари ичида махсус эритилган қисмларга яширилган олтин аниқланган. Операция давомида уч нафар аёл ва икки нафар эркак бўлган Ўзбекистон фуқароси ҳамда уларни аэропортда кутиб олган яна бир шахс қўлга олинди.
Полицияда сўроқ қилинган гумонланувчилар судга йўналтирилди.
Эслатиб ўтамиз, Ўзбекистон божхона идоралари 2025 йилнинг олти ойида 19 мингдан ортиқ контрабанда ва бошқа қонунбузарлик ҳолатларига чек қўйганди. Олиб қўйилган товарларнинг умумий қиймати 564 миллиард сўмдан ошган.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас