Ўзбекистон, Тошкент – Batafsil.uz. Ёш қизалоқни зўрлашда айбдор деб топилган эркак аппеляцияга берган. Унинг фикрича, 15 йиллик қамоқ ўта қаттиқ жазо экан. Бу ҳақда зўравонликка қарши “Немолчи” лойиҳаси маълумотлари асосида мухбиримиз хабар бермоқда.
Эслатиб ўтамизки, 2019 йилда Қибрай туманида яшовчи эркак 13 ёшли қизалоқни зўрлаган эди. Зўравон қизчанинг бувисининг қўшниси бўлиб, у эркакнинг уйи ёнидан ўтиб кетаётганда, мажбурлаб ичкарига олиб кирилган. Қизнинг яқинлари узоқ вақт ичида эркакни жиноий жавобгарликка тортишга ҳаракат қилишган. Адолат 4 йилдан сўнггина ғалаба қилган. Жорий йилнинг сентябрь ойида у 15 йилга қамалган.
Аммо, 2023 йилнинг 8 ноябрь куни маълум бўлишича, жиноятчи биринчи инстацияда кўриб чиқилган ишни қайта кўриб чиқиш учун юқори турувчи судга аппеляция шикоятини берган.
Биз албата воқеани кузатиб борамиз ва натижаларини маълум қиламиз. Ҳозирча эса адолат устун бўлишига умид қилиб, жабрланган қизнинг яқинларига бўлиб ўтадиган янги суд мажлисларида куч ва сабр тилаб қоламиз.
Изоҳлар мавжуд емас