Ўзбекистон, Тошкент - Batafsil.uz. Ўзбекистон миллий терма жамоасининг ҳозирча ягона муаммоли позицияси ҳужумчи Элдор Шомуродов билан боғлиқ. Бу ҳақда ўзбекистонлик футбол шарҳловчиси Отабек Жўраев маълум қилди. Унинг сўзларига кўра, майдондаги бошқа футболчиларни алмаштириш борасида муаммо йўқ. Бу ҳақда Batafsil.uz мухбири хабар бермоқда.
"Аввалги мураббий Сречко Катанецнинг ёрдамчиси шундай деганди: "Бизда фақат битта муаммоли позиция бор - Шомуродовнинг позицияси." Яъни Шомуродов синса, унга тенг келадиган муқобил йўқ," - деди у YouTubeдаги Nobel каналига.
Унинг қайд этишича, жамоанинг қолган чизиқларида вазият анча яхшиланган ва бугунги терма жамоа ҳар қандай йўқотишни қоплаш имкониятига эга.
"Энди муаммо йўқ, дарвозабонни бошқа қўямиз, ҳимоячини бошқа топамиз," - дея таъкидлади шарҳловчи.
Ўзбекистон миллий терма жамоаси тарихда илк бор ЖЧ-2026 йўлланмасини қўлга киритди. Осиё футбол конфедерацияси саралаш босқичи натижаларига кўра, жамоа 21 очко билан "А" гуруҳида 2-ўринни эгаллаб турибди. Гуруҳ пешқадами Эрон ҳисобида 23 очко мавжуд.
Жамоанинг БАА билан учрашуви 5 июнь куни бўлиб ўтди ва унда дуранг натижа ўзбекистонликларнинг мундиалга чиқишини кафолатлади. Ўша ўйиннинг энг яхши футболчиси ўзбекистонлик дарвозабон Ўткир Юсупов бўлди. Рақиб дарвозани ишғол қилди, бироқ дарвозабоннинг ажойиб 6 сейви муҳим натижага олиб келди.
Изоҳлар мавжуд емас