Ўзбекистон, Тошкент – Batafsil.uz. 2024 – йилги Олимпия ўйинларида ғолиб чиққан ўзбекистонлик беш нафар боксчи Халқаро бокс ассоциацияси (IBA) раҳбари Умар Кремлёвдан пуллик совға олди. Уларнинг ҳар бирига 100 минг доллардан берилди. Бу ҳақда мухбиримиз хабар бермоқда.
Мукофотлаш Дубайда 7 декабрда IBA шафелигида ўтказилган турнир якунлангандан сўнг бўлиб ўтган.
"Ваъда қилинган совринларни 2024 йилги Олимпия ўйинлари чемпионларига топширдик, чунки бокс дегани – бу IBA", - деб ёзган Кремлёв ўзининг Telegram каналида.
Маълумки, IBA раҳбари ўзбекистонлик боксчиларга 100 минг доллар совға қилиб, шу тариқа уларни Олимпиададаги ғалабаси билан табриклаган.
Ўзбекистонлик беш нафар боксчи: Баҳодир Жалолов, Ҳасанбой Дўсматов, Лазизбек Муллажонов, Абдумалик Халоқов ва Асадхўжа Муйдинхўжаев пул мукофотларини қўлга киритишган.
Эслатиб ўтамизки, ноябр ойида Ўзбекистон боксни Олимпия спорт тури сифатида сақлаб қолишга интилиб, Ўзбекистон миллий бокс Федерациясининг World Boxing Халқаро бокс ташкилотига аъзо бўлишига эришган. Айтиш лозимки, янги ташкилотга қўшилиш IBAдан чиқишни англатади.
Изоҳлар мавжуд емас