Ўзбекистон, Тошкент – Batafsil.uz. Германияда футбол бўйича Европа чемпионати давом этмоқда. Мухбиримиз турнирнинг ёрқин воқеалари шарҳни тайёрлаган.
Улардан бири Туркиянинг Грузия билан ўйини бўлди. Ўйин 3:1 ҳисобида Туркия фойдасига тугади. Шу билан бирга, жасорат билан жанг қилган Грузия ўз тарихида биринчи марта Европа чемпионлигининг финал босқичига йўл олди. Мухлислар жанги ва кучли ёмғир томошага “завқ” қўшди.
Шунингдек, мухлислар афсонавий Криштиану Роналдунинг иштироки туфайли Португалия – Чехия ўйинини қизғин муҳокама қилмоқдалар: у Европа чемионати майдонига олтинчи марта чиқди! У гол урмаган бўлсада, лекин Португалиянинг 2:1 ҳисобидаги ғалабасига қўшган ҳиссаси шубҳасиздир.
Бугун, 19-июнь, чемпионатнинг олтинчи кунида мухлисларни учта ўйин кутмоқда. Иккинчи тур доирасида Тошкент вақти билан соат 18:00 да "B" гуруҳида Хорватия ва Албания Гамбургда учрашадилар.
Шунингдек, “А” гуруҳида Штутгартда Германия ва Венгрия жамоалари ўртасида ўйин ўтказилади (учрашув 21:00 да бошланади), Шотландия ва Швейцария Кёльнда ўйнайди (24:00 да бошланади).
Эслатиб ўтамизки, Европа чемпионати 14 июндан 14 июлгача Германиянинг 10та шаҳрида бўлиб ўтади. Турнирда 24 та жамоа иштирок этади. Гуруҳ босқичида рақиблар олтита квартетга бўлинган. Гуруҳларда биринчи ва иккинчи ўринларни эгаллаган жамоалар, шунингдек, учинчи ўринни эгаллаган тўртта энг яхши терма жамоалар 1/8 финалга чиқади. Гуруҳ босқичи 26 июнь куни якунланади.
Изоҳлар мавжуд емас