Ўзбекистон, Тошкент – Batafsil.uz. Ўзбекистонда биринчи марта байдарка ва каноэда эшкак эшиш бўйича жаҳон чемпионати бўлиб ўтади. Бу ҳақда мухбиримиз хабар бермоқда.
Миллий Олимпия қўмитаси маълумотларига кўра, турнир 23-25 август кунлари Самарқандда бўлиб ўтади. У ерда бутун дунё бўйлаб каноэчилар ва байдаркачилар йиғилиб, Марказий Осиёдаги ягона эшкак эшиш каналидаги совринли ўринлар учун курашадилар.
"Мана 3 йилдан бери Ўзбекистон энг машҳур спорт турлари бўйича жаҳон чемпионатларини қабул қилиб келмоқда. Бу йил ҳам истисно бўлмайди, чунки мамлакатимизда катталар ўртасида байдарка ва каноэда эшкак эшиш бўйича жаҳон чемпионати бўлиб ўтади", — дея қайд этган қўмита.
Эслатиб ўтамизки, аввалроқ Ўзбекистон бу йил ҳам ҳаваскорлар ўртасида аралаш яккакурашлар бўйича жаҳон чемпионатини (ММА) ўтказиши маълум бўлган эди.
Изоҳлар мавжуд емас