Ўзбекистон, Тошкент – Batafsil.uz ЯА. Бешкураш бўйича Токиода ўтказиладиган Олимпия ўйинларига йўлланмаларни қўлга киритган спортчилар пул мукофотлари билан тақдирланди. Лицензия соҳиблари 100 миллион сўм (тахминан 10.000 доллар)дан олишди. Бу ҳақида Batafsil.uz мухбири маълум қилмоқда.
Бугун Ўзбекистон терма жамоаси Хитойнинг Ухай шаҳрида бўлиб ўтган Осиё-Океаниянинг замонавий бешкураш бўйича лицензион чемпионатидан қайтди. Мазкур мусобақаларда бешкурашчиларимиз терма жамоа тарихида илк бор лицензияларни қўлга киритишди.
Олимипиада -2020га Алисэ Фахрутдинова ва Александр Савкинлар боришади. Уларга чемпионатдаги ғалабаси учун 100 миллион сўмдан берилди. Спортчилар мураббийси ҳам 50 миллион сўм миқдорида мукофотланди.
Миллий Олимпия қўмитаси берган маълумотга кўра, лицензия ва олтин медаллардан ташқари терма жамоа микс-эстафетада кумуш медални ҳам қўлга киритган.
Спортчиларни тақдирлашда Президент маслаҳатчиси Абдужаббор Абдувахидов, МОК президенти Рустам Шоабдурахмонов, Жисмоний маданият ва спорт вазирининг биринчи ўринбосари Ойбек Қосимовлар иштирок этишган.
Изоҳлар мавжуд емас