Ўзбекистон, Тошкент - Batafsil.uz. АҚШнинг Флорида штатидаги йирик шосселардан бирида фавқулодда қўнишга уринган кичик моторли самолёт йўлда кетаётган енгил машинага урилди. Beechcraft 55 русумли самолёт ва Toyota Camry автомобили тўқнашуви натижасида 57 ёшли аёл ҳайдовчи енгил тан жароҳатлари билан касалхонага ётқизилган.
Ҳодиса Орландо шаҳри ва Канаверал бурни оралиғидаги энг гавжум йўл қисмида содир бўлган.
Самолёт учувчиси тўқнашувдан бир неча дақиқа олдин двигателдаги муаммолар ҳақида хабар бериб, шоссега фавқулодда қўнишни амалга оширишга уринган.
Зарба натижасида самолёт бўлаклари йўл бўйлаб сочилиб кетган. Мазкур авария шоссенинг ҳар икки йўналишида ҳам узоқ муддатли тирбандликларни келтириб чиқарган.
Автомобиль рулидаги 57 ёшли аёл енгил жароҳатлар билан касалхонага олиб кетилган. 27 ёшли учувчи ва самолёт йўловчисига тиббий ёрдам кўрсатилгач, улар касалхонада даволанишдан бош тортган.
Эслатиб ўтамиз, Бразилиянинг Гуарульюс шаҳрида LATAM Brasil авиакомпаниясига тегишли бўлган Airbus A320 самолёти учиш-қўниш йўлагидаёқ ёниб кетганди. Самолёт бортида 180 га яқин йўловчи бўлган.
Изоҳлар мавжуд емас