Ўзбекистон, Тошкент – Batafsil.uz. Исроил Бош вазири Биньямин Нетаньяху ҲАМАСга ултиматум қўйди. Агар фаластинлик гуруҳ 15 феврал, шанба куни тушга қадар гаровга олинганларни озод қилмаса, Исроил мудофаа армияси сулҳни бекор қилиб, Ғазода ҳарбий ҳаракатларни қайта бошлайди. Бу ҳақда мухбиримиз хабар бермоқда.
"Мен томонимдан қабул қилинган ва ҳукумат томонидан бир овоздан маъқулланган қарор шундай: агар ҲАМАС шанба куни тушга қадар гаровга олинган фуқароларимизни қайтармаса, ўт очишни тўхтатиш бекор қилинади ва ЦАХАЛ ҲАМАСни бутунлай тор-мор қилиш учун ҳарбий ҳаракатларни қайта бошлайди", – деди Нетаньяху ўз талабини изоҳлар экан.
Қанча гаровга олинганлар ҳақида гап кетаётгани аниқ эмас. Ҳарбий ҳаракатларни тўхтатиш тўғрисидаги келишув режасига кўра, шанба куни ҲАМАС уч нафар исроиллик гаровга олинганларни озод қилиши керак эди.
аввалроқ АҚШ президенти Дональд Трамп ҲАМАСни шанбага қадар қолган 76 нафар исроиллик гаровга олинганларни озод қилишга чақирган эди. Биньямин Нетаньяху ўз нутқида исроиллик ҳарбий-сиёсий ҳукумат америкалик етакчининг бу талабини ва унинг "Ғазонинг келажаги борасидаги инқилобий фикрларини" қўллаб-қувватлаганини таъкидлади. Шуни таъкидлаш керакки, Трамп фаластинликларни анклавни тарк этишга ва уни АҚШ назорати остига олишга таклиф қилган.
Ўз ўрнида 10 феврал куни ҲАМАС 15 феврал куни режалаштирилган гаровга олинганларни алмашиш жараёни бекор қилиниши ҳақида эълон қилди. Гуруҳ бу қарорни Исроил томонидан келишувнинг бузилиши билан изоҳлади. Фаластинликларнинг айтишича, Исроил аҳолининг Ғазанинг шимолига қайтишига тўсиқ қилмоқда ва анклавга инсонпарварлик ёрдамларини киритишга рухсат бермаяпти.
Бунга жавобан, Исроил мудофаа вазири Исраэль Кац "ўт очишни тўхтатиш режимининг тўғридан-тўғри бузилиши”ни таъкидлади ва Исроил мудофаа армиясига "Ғазода ҳар қандай эҳтимолий вазиятга тайёргарлик кўриш" буйруғини берди.
"Биз 7 октябр воқеликларига қайтишга йўл қўймаймиз", – деди Кац.
Шунингдек, Исроил ҳукумати 8 феврал, шанба куни ҲАМАС томонидан озод қилинган уч нафар исроиллик гаровга олинганларнинг ҳолатидан норози. Ғазодан олиб чиқаётган Қизил Хочга топширишдан олдин, уларни камера олдида тарғибот нутқларни ўқишга мажбурлашган.
Эслатиб ўтамизки, Исроил ва ҲАМАС ўртасидаги ўт очишни тўхтатиш ва гаровга олинганларни озод қилиш бўйича тинчлик келишуви 19 январдан бери амал қилмоқда. Келишув дастлаб олти ҳафталик ўт очишни тўхтатиш, Исроил қўшинларини Ғаза секторидан босқичма-босқич олиб чиқиш, у ерга 600 та инсонпарварлик ёрдами ортилган юк машиналарини юбориш, шунингдек, гаровга олинганларни фаластинлик маҳбусларга алмаштириш назарда тутган.
Изоҳлар мавжуд емас