Ўзбекистон, Тошкент - Batafsil.uz. АҚШ Украинага ўт очишни тўхтатиш ва иқтисодий қўллаб-қувватлаш эвазига НАТОдан воз кечишни ва ҳудудий ён беришни таклиф қилган. Бу ҳақда Batafsil.uz мухбири хабар бермоқда.
Reuters агентлиги 17 апрель куни Парижда АҚШ раҳбарининг АҚШ номидан махсус вакили Стив Уиткофф томонидан тақдим этилган тинчлик келишуви лойиҳасининг тўлиқ матнини эълон қилган. Ҳужжат Россия ва Украина ўртасидаги ҳарбий можарони тугатишга қаратилган.
Унга кўра, томонлар зудлик билан ўт очишни тўхтатиши ва уни амалга ошириш бўйича музокараларни бошлаши керак. Бунинг эвазига Украина Европа давлатлари ва бошқа иттифоқчиларидан хавфсизлик кафолатларини қабул қилади, бироқ НАТОга қўшилишдан воз кечиш мажбуриятини олади. Шу билан бирга, Европа Иттифоқига аъзо бўлиш йўли унинг учун очиқлигича қолмоқда.
Келишувда ҳудудлар масаласига алоҳида эътибор қаратилган. АҚШ Қримни Россиянинг бир қисми сифатида, шунингдек, Донецк, Луганск, Запорожье ва Херсон вилоятларининг маълум қисми устидан Москванинг фактик назоратини ҳам тан олишни таклиф қилмоқда. Шу билан бирга, Украинага Харков вилоятининг босиб олинган қисми, Каховка гидроэлектростанцияси, Кинбурнская коса ва Запорожье АЭС устидан назорат қайтарилади. У АҚШ иштирокида халқаро бошқарув остида бўлади, ишлаб чиқарилган электр энергияси эса икки давлат ўртасида тақсимланади. Шунингдек, Украинага Днепр бўйлаб эркин кема қатнови ҳуқуқи кафолатланади.
Иқтисодий жиҳатдан ҳужжат АҚШнинг Украинага кенг кўламли ёрдамини ва вайрон бўлган инфратузилмани тўлиқ тиклашни назарда тутади. Шунингдек, Россияга нисбатан 2014 йилдан бери амалда бўлган барча санкцияларни бекор қилиш, иқтисодий ҳамкорликни, жумладан, энергетика ва саноатда қўшма лойиҳаларни қайта тиклаш таклиф қилинмоқда.
Изоҳлар мавжуд емас