Ўзбекистон, Тошкент – Batafsil.uz. Қозоғистон транспорт вазирлиги Актау аэропорти яқинида Azerbaijan Airlines авиакомпаниясининг Embraer самолёти қулагани ҳақида дастлабки ҳисоботни эълон қилган. Ҳужжат қора қути маълумотларини таҳлил қилиш асосида эксперт хулосаларини ўз ичига олади ва ҳодисада бировнинг айбини белгиламаган.
Ҳужжатда қайд этилишича, Грознийга қўниш учун иккита муваффақиятсиз уринишдан сўнг, экипаж самолётни Бокуга қайтаришга қарор қилган. Шунингдек, диспетчерлар Чеченистон пойтахтида "Гилам" режасининг жорий этилгани тўғрисида огоҳлантиргани айтилмоқда.
05: 13 да овоз ёзувчиси ташқи объект билан тўқнашув товушларини қайд этган, шундан сўнг автопилот ва тортиш автомати ўчган, гидросистемалардаги босим кескин камайган, кабинанинг герметизацияси бузилган.
05: 42 да экипаж фавқулодда қўниш учун Актау захира аэродромига боришга қарор қилган. 06:02 да самолёт Актау диспетчерлик минорасига ҳалокат сигналини юборган. Жавоб соат 6:03да келган, диспетчер векторлашни таклиф қилган. 06: 27 да ер билан тўқнашув юз берган.
Шу билан бирга, мутахассисларнинг айтишича, самолётнинг шикастланиши ташқи объектларнинг самолёт конструкциясига кириб боришини кўрсатади. Фюзеляжнинг орқа қисмида, киледа, стабилизаторда ва бошқарув юзаларида, шунингдек чап двигател ва қанотда кўплаб шикастланиш излари топилган. Конструкциядан бегона нарсалар топиб олинган, улар қўшимча экспертизаларга юборилади.
Ҳисоботда тақдим этилган маълумотлар дастлабки эканлиги ва барча материалларни таҳлил ва ўрганиш натижасида аниқлаштирилиши ва тўлдирилиши мумкинлиги таъкидланган.
Эслатиб ўтамизки, Embraer E190AR самолёти Бокудан Грознийга парвоз қилган. Ҳалокат натижасида 38 киши ҳалок бўлган. Воқеа содир бўлганидан сўнг, Azerbaijan Airlines ва бошқа ташувчилар Россиянинг баъзи йўналишларига парвозларни тўхтатдилар. Куни кеча Uzbekistan Airways Европага Россия ҳаво ҳудудини айланиб ўтиб учишни бошлаганини мълум қилди.
Изоҳлар мавжуд емас