Ўзбекистон, Тошкент - Batafsil.uz. Доминикан Республикасининг Санто-Доминго шаҳрида жойлашган "Jet Set" тунги клубининг томи қулаши оқибатида ҳалок бўлганлар сони 184 кишига етган. 155 киши жароҳатланган. Бу ҳақда Фавқулодда вазиятлар хизмати директори Хуан Мануэл Мендесга таяниб, Diario Libre хабар берган. Бу ҳақда Batafsil.uz мухбири маълум қилмоқда.
Амалдор қутқарув ишлари ҳозирча давом этаётганини маълум қилди. Шунингдек, Мендеснинг аниқлик киритишича, ҳалок бўлганларни қидириш уларнинг қариндошлари яқинларини топишни сўраб мурожаат қилгунга қадар давом этади.
Барча жасадлар олиб чиқилгандан сўнг, ҳукумат қулаш сабабларини тегишлича текширишни бошлайди.
Мамлакатда 8-10 апрель кунлари миллий мотам давом этмоқда.
Эслатиб ўтамиз, тунги клубнинг томи 8 апрель куни кечқурун меренге ижрочиси Рубби Перес ва унинг оркестри ижроси вақтида қулаб тушганди.
Ўша пайтда клубда 300 га яқин одам бўлган. Ҳалок бўлганлар орасида Монте-Кристи провинцияси губернатори Нелсон Круз, Олий бейсбол лигаси ўйинчилари ҳам бўлган. 69 ёшли Перес ҳам вафот этган.
Изоҳлар мавжуд емас