Ўзбекистон, Тошкент - Batafsil.uz. Қирғизистоннинг Первомайский тумани суди собиқ президент Алмазбек Атамбоевни жиноий авторитет Азиз Батукаевнинг ноқонуний озод қилиниши иши бўйича сиртдан айбдор деб топган. Бироқ даъво муддати ўтганлиги сабабли жазо тайинланмаган.
"Батукаев бўйича ҳукм аллақачон ўқилган. Атамбоев муддат ўтгани сабабли жазо тайинланмасдан айбдор деб топилди," - дея сиёсатчининг адвокати Сергей Слесарёвнинг сўзларини келтирмоқда ТАСС.
Гап 2013 йилги воқеалар ҳақида кетмоқда, ўшанда тартибсизликлар уюштиргани ва қурол сақлагани учун 16 йилга қамалган Батукаев муддатидан олдин қамоқдан озод қилиниб, Грознийга жўнаб кетганди.
2011-2017 йилларда президент бўлган Атамбоев 2019 йил августида Қўй-Тош қишлоғидаги қароргоҳида қуролли қарама-қаршиликдан сўнг қўлга олинганди. Операция давомида махсус кучлар ходими ҳалок бўлган, 100 дан ортиқ киши яраланди. Кейинроқ собиқ президентга қотиллик, коррупция ва одамларни гаровга олиш айбловлари қўйилган.
2020 йилда у 11 йил-у 2 ойга озодликдан маҳрум этилган. Бироқ, кейинчалик айбловларнинг бир қисми олиб ташланган. 2023 йил февраль ойида Атамбоев уч йилдан ортиқ қамоқдан кейин озодликка чиққан. Ҳозирда у мамлакат ташқарисида қолмоқда ва аввалроқ Испанияда даволаниш нияти борлигини айтганди.
Изоҳлар мавжуд емас