Ўзбекистон, Тошкент – Batafsil.uz. Кеча, 29 декабрь куни Михаил Кавелашвили Инжил ва Грузия Конституциясида қасамёд қилган ва расмий равишда мамлакат президенти лавозимини эгаллаган.
Грузия парламентининг ялпи мажлислар залидаги тантанали маросимда Кавелашвили оиласи аъзолари, депутатлар, Грузия православ черкови ва бошқа диний конфессиялар вакиллари, Конституциявий ва Олий судлар раҳбарлари, Аджария ҳукумати раҳбари Торнике Рижвадзе, Грузия ҳукумати аъзолари, шунингдек бошқа расмий шахслар ва ҳарбийлар иштирок этган.
Инаугурациядан олдин 16 декабрда президентлик муддати тугаган Грузиянинг собиқ президенти Саломе Зурабишвили брифинг ўтказган. Брифинг Орбелиани майдонидаги президент саройида бўлиб ўтган. Зурабишвили президент саройини тарк этиб, ўзи билан "қонунийлик, байроқ ва одамлар ишончини” олиб кетаётганини айтган. Шу билан бирга, у янги президентнинг сайлови ва инаугурациясини "пародия" деб атаган.
Эслатиб ўтамизки, президент сайловлари 14 декабрь куни Грузия парламентида бўлиб ўтган. Бу республика раҳбарининг биринчи билвосита сайловлари бўлиб, унда парламент депутатлари, Аджария ва Абхазия олий кенгашлари аъзолари ва муниципал ҳокимият депутатлари таркибидаги сайловчилар ҳайъати овоз берган. Ҳукмрон “Грузия орзуси" партиясидан депутат ва собиқ футболчи Кавелашвили ягона номзод бўлиб, 300 овоздан 224тасини қўлга киритган.
Изоҳлар мавжуд емас