Ўзбекистон, Тошкент - Batafsil.uz. Олмаотада 13 ёшли ўсмир икки ёшли болани ушлаб олиб, уни куч билан асфальтга улоқтирган. Чақалоқнинг суяги синган.
Воқеанинг кузатув камералари томонидан олинган видеосини жабрланувчининг онаси оммага эълон қилган. Кадрларда воқеадан сўнг ўсмирнинг қочиб кетаётганини кўриш мумкин. Ҳодиса 23 август куни содир бўлган.
Кейинроқ аёлга ўсмирнинг ҳисобда тургани - унда аутизм ва ақлий ривожланишдан орқада қолгани маълум қилинган. Унинг сўзларига кўра, ўша куни кечқурун боланинг ота-онаси даволаниш учун пул тўлашга ваъда беришган, аммо кейин рад этишган.
“Бирорта полиция ходими мен билан боғланмади. Душанба куни эса менга "аризангиз қабул қилинмайди, чунки 13 ёшли болага нисбатан жиноий иш қўзғатиш мумкин эмас," дейишди", - деди жабрланувчининг онаси.
Қозоғистон Ички ишлар вазирлиги жиноят иши қўзғатилгани ва тергов натижаларига кўра процессуал қарор қабул қилинишини маълум қилган.
Эслатиб ўтамизки, бундай ҳолат Россияда 24 июнь куни содир бўлганди. Москванинг Шереметьево аэропортида гиёҳванд модда таъсирида бўлган эркак икки ёшли болани боши билан полга урган. Бола комага тушиб қолган, унга умуртқа поғонаси ва бош суяги синиши ташхиси қўйилган.
ОАВ маълумотларига кўра, ҳужум қилган шахс Қоҳирадан учиб келган 31 ёшли Беларус фуқароси бўлган. У қўлга олиниб, шифокорлар томонидан текширилмоқда. Ота-онаси билан Кобулдан учиб келган жабрланган бола шифохонага ётқизилган.
Кейинчалик маълум бўлишича, чақалоқ ҳушига келиб, мустақил нафас ола бошлаган. Ҳозирда у Красногорскдаги Рошаль болалар марказида даволанмоқда.
Изоҳлар мавжуд емас