Ўзбекистон, Тошкент – Batafsil.uz. Қозоғистондаги Акмола вилояти болалар касалхонаси жарроҳлари 39 та магнит шарикчаларни ютиб юборган тўрт ёшли боланинг ҳаётини сақлаб қолишга муваффақ бўлишган.
Kazpravda.kz хабарига кўра, бола 2 январь куни Зеренда қишлоғидан касалхонага олиб кетилган ва унда кучли қорин оғриғи ва қусиш кузатилган. Боланинг онасининг сўзларига кўра, 31 декабрь куни у ўғлининг оғзидан бир нечта магнит шарикчаларни чиқариб олган. Тез орада боланинг аҳволи ёмонлашган. Рентген текшируви ичакда кўплаб бегона жисмлар борлигини кўрсатган.
Болалар жарроҳи Салимжон Жакупов томонидан олиб борилган операция қарийб беш соат давом этган. Шифокорлар йўғон ичак ва ингичка ичакка зарар етказган, перфорация ва перитонитга олиб келган 39 та магнит шарикчаларни топишган. Уларни олиб ташлаш жараёни қўшимча жароҳат етказиш хавфи юқори бўлганлиги сабабли мураккаб кечган. Шифокорларнинг юқори маҳорати туфайли бола қутқарилган.
Шифокорлар олти ой ичида бундай ҳолат учинчи марта учраётганини таъкидлашган.
Изоҳлар мавжуд емас