Ўзбекистон, Тошкент - Batafsil.uz. АҚШ Президенти Дональд Трамп Гренландияни сотиб олиш бўйича расмий таклиф тайёрлашни Давлат котиби Марко Рубиога топширди. NBC News телеканалининг хабар беришича, Қўшма Штатлар Дания таркибидаги ушбу мухтор ҳудуд учун 700 миллиард долларгача маблағ тўлашга тайёр.
Айни пайтда Гренландияни қўлга киритиш Дональд Трамп маъмурияти учун энг устувор вазифалардан бири сифатида кўрилмоқда. Оролнинг баҳоси (700 миллиард доллар) олимлар ва собиқ амалдорлар томонидан тақдим этилган ҳисоб-китобларга асосланган. Таққослаш учун, Гренландиянинг йиллик ЯИМ миқдори бор-йўғи 3 миллиард долларни, Данияники эса 500 миллиард долларни ташкил этади.
Трампнинг таъкидлашича, Гренландия АҚШ миллий хавфсизлигини таъминлаш ва "Олтин гумбаз" ракетага қарши мудофаа тизимини қуриш учун стратегик жиҳатдан зарур. Президент, шунингдек, ушбу ҳудудни "забт этиш" жараёнида НАТО етакчилик қилиши кераклигини қўшимча қилган.
Бироқ Гренландия Бош вазири орол аҳолиси АҚШ ва Дания ўртасида танлов қилишга тўғри келса, Данияни танлашини маълум қилган. Трамп эса бунга жавобан: "Бу уларнинг муаммоси", дея муносабат билдирган.
Эслатиб ўтамиз, Гренландия атрофидаги вазият ҳарбий ёйилиш босқичига ўтди. Оқ уйда АҚШ, Дания ва мухторият раҳбарияти ўртасидаги музокаралар натижасиз тугаганидан сўнг, НАТОнинг Европа мамлакатларидан биринчи бўлинмалари оролга кела бошлади.
Изоҳлар мавжуд емас