Ўзбекистон, Тошкент - Batafsil.uz. АҚШ президенти Доналд Трамп Россия Хавфсизлик кенгаши раиси ўринбосари Дмитрий Медведевнинг кескин баёнотлари фонида "тегишли ҳудудларда" иккита ядровий сув ости кемасини жойлаштиришни буюрди.
Америка етакчисининг Truth Social ижтимоий тармоғида маълум қилишича, қарор "агар бу бепарво ва иғвогарона баёнотлар шунчаки сўзлар бўлиб чиқмаса," қабул қилинган. Унинг таъкидлашича, "сўзлар катта аҳамиятга эга ва кўпинча кутилмаган оқибатларга олиб келади."
Бунга Медведевнинг июнь ойида АҚШ Эрон ядровий обектларига зарба берганидан кейин эълон қилган сўзлари сабаб бўлди. Ўшанда у "бир қатор давлатлар тўғридан-тўғри Эронга ўзларининг ядровий ўқ-дориларини етказиб беришга тайёр" деб ёзган эди. Трамп бу даъвони танқид остига олди.
"N ҳарфига нисбатан бундай енгил муносабатда бўлмаслик керак. Менимча, айнан шунинг учун Путин - БОСС," - деб ёзганди ўшанда Трамп.
Бунга жавобан Медведев Россия Эронга ядро қуролини етказиб беришни режалаштирмаётганини, чунки у Ядро қуролини тарқатмаслик тўғрисидаги шартнома иштирокчиси эканини айтди.
Россия Хавфсизлик кенгаши раиси ўринбосари ва АҚШ президенти ўртасидаги янги сиртқи оғзаки дуэль шу ҳафта Доналд Трамп Украинадаги можарони ҳал қилишда ютуқларга эришиш учун яна бир муддат - 29 июлдан бошлаб ўн кунлик муддат белгилаганидан кейин авж олди. Акс ҳолда, Вашингтон Россия ва у билан савдо ҳамкорлигини давом эттираётган мамлакатларга қарши иккиламчи тарифлар жорий қилиш билан таҳдид қилди.
Медведев Россия унга ультиматум қўядиган Эрон ёки Исроил эмаслигини ва ҳар бир бундай талабни АҚШ билан урушга қадам деб билишини айтди. Бунга жавобан Трамп Россия Хавфсизлик кенгаши раиси ўринбосарини "гапидан эҳтиёт бўлиш" чақирди, у эса Вашингтоннинг бундай муносабати Москванинг ҳақлигини тасдиқлайди, деб жавоб берди.
Изоҳлар мавжуд емас