Ўзбекистон, Тошкент - Batafsil.uz. АҚШ президенти Доналд Трамп Россия президенти Владимир Путинга Украинадаги ҳарбий ҳаракатларни тўхтатиш бўйича келишувга эришиш учун охирги муддат белгилаган. Апрель ойи охиригача ўт очишни тўхтатиш бўйича келишувга эришилмаса, АҚШ Россияга қарши янги иқтисодий санкциялар жорий этишга тайёр.
Трамп музокараларда сезиларли силжиш йўқлигидан норозилигини билдириб, агар тинчлик сари ҳаракатни кўрмаса, қатъий ҳаракат қилишга тайёрлигини маълум қилган. Дипломатик саъй-ҳаракатлар муваффақиятсизликка учраган тақдирда, АҚШ маъмурияти санкцияларни кучайтириши мумкин, бу эса Россия иқтисодиётига қўшимча босим ўтказади. Унинг қўшимча қилишича, у Путиннинг Украина бўйича изоҳларидан "ғазабланган."
Бугун Москвада Россия президентининг Трамп дипломатик вакили Стив Уиткофф иштирокида учрашуви ўтказилади. Владимир Путиннинг матбуот котиби Дмитрий Песков учрашув Украина бўйича музокараларни давом эттириш доирасида ўтказилишини тасдиқлади. Бу Уиткоффнинг Путин билан учинчи учрашувидир.
Изоҳлар мавжуд емас