Ўзбекистон, Тошкент - Batafsil.uz АҚШ президентининг ўғли кичик Доналд Трамп ўтган йилнинг сентябрь ойида отасига суиқасд қилишга уринган Райан Уэсли Раут ҳақидаги маълумотларни яширишда Киевни айблади. Бу ҳақда Batafsil.uz мухбири хабар бермоқда.
Унинг сўзларига кўра, Киев нафақат АҚШга кўрсатилган ёрдам учун раҳмат айтмаган, балки Раут ҳужум қилиш учун Украинадан қурол сотиб олишга урингани ҳақида ҳам хабар бермаган.
"Агар Украина ношукурлик қиляпти деб ўйласангиз, бу одам менинг отамни ўлдириш учун улардан қурол сотиб олмоқчи бўлгани ҳақидаги сукут анча жиддий бўлиб кўринади. Нега экан?", - деб ёзди кичик Трамп Х тармоғида.
Аввалроқ Newsweek нашри Райан Уэсли Раут ҳибсга олинишидан бир ой олдин Украинада танкка қарши қўл гранатомёти ёки Stinger зенит ракетасини сотиб олишга урингани ҳақида хабар берган эди.
Газета маълумотларига кўра, Раут Украина томони вакили деб ҳисоблаган шахс билан ҳимояланган мессенжер орқали ёзишмалар олиб борган. Шу билан бирга, унинг фикрича, суҳбатдоши жанговар қурол билан таъминлаш имкониятига эга бўлган.
Эслатиб ўтамизки, 15 сентябрь куни Трампга Флоридадаги Уэст-Палм-Бич шаҳрида сиёсатчининг гольф клуби ёнида суиқасд уюштирилди.
Америка матбуоти хабарига кўра, буталар орасига яширинган Райан Уэсли Раут Доналд Трампни оптик нишон билан жиҳозланган АК-47 автоматидан ўққа тутишни режалаштирган. Махфий хизмат ходимлари босқинчига қарата ўт оча бошладилар. Унинг қочишга уриниши муваффақиятсиз якунланди ва Раут ушланиб, ҳибсга олинди.
Изоҳлар мавжуд емас