Ўзбекистон, Тошкент - Batafsil.uz. Туркияда чет эл фуқароларини ишлаш учун рухсатномасиз ишга олган иш берувчилар энди уларни депортация қилиш билан боғлиқ барча харажатларни қоплаши керак бўлади.
Қарор 23 июлдан кучга кирди, дея хабар бермоқда Yeni Safak.
Янги қоидаларга кўра, ноқонуний ишлаётган чет эл фуқароси қўлга олинган тақдирда, уни сақлаш, шу жумладан репатриация марказларида яшаш, овқатланиш, тиббий хизмат кўрсатиш ва келиб чиқиш мамлакатига транспортировка қилиш бўйича барча харажатлар иш берувчининг зиммасига юкланади. Агар мигрант оиласи билан бирга бўлган бўлса, иш берувчи ҳамроҳлик қилувчи шахслар учун ҳам харажатларни тўлаши шарт.
Агар мигрант ўз ихтиёри билан мамлакатни тарк этишдан бош тортса, давлат томонидан қилинган барча харажатлар ҳам солиқ, суд ва маъмурий механизмлар орқали иш берувчидан ундирилади.
Эндиликда Туркия иштирокчи бўлган халқаро шартномаларда тўғридан-тўғри назарда тутилган ҳолатлардан ташқари, чет эл фуқароларини тегишли рухсатномасиз ҳар қандай шароитда ишга қабул қилиш тақиқланади.
Изоҳлар мавжуд емас