Ўзбекистон, Тошкент - Batafsil.uz. Регулятор банкни соғломлаштириш учун берилган имкониятлар натижа бермагани ва акциядорлар капитални кўпайтириш бўйича ваъдаларини бажармаганини маълум қилди. Лицензияни қайтариб олиш қарори банк активлари унинг мажбуриятларини қоплашга етадиган сўнгги паллада қабул қилинган.
Тугатилаётган "Янги банк" омонатчиларига тўловлар 2026 йил 28 январдан бошланган. Омонатларни кафолатлаш агентлиги Бизнесни ривожлантириш банкини (БРБ) фуқароларга маблағларни қайтариш бўйича агент этиб тайинланган.
Нега банк вақтида ёпилмади?
Марказий банк вакилларининг таъкидлашича, банкни ёпиш — тизим учун доимо оғриқли жараён ва энг сўнгги чора ҳисобланади. 2023 йил бошида банк акциядорлари ўзларининг бошқа бизнесларидан олинадиган дивидендлар ҳисобига капитални тўлдириш режасини тақдим этган. Шу сабабли регулятор банкка фаолиятини давом эттириш ва вазиятни ўнглаш учун қўшимча вақт берган.
Белгиланган муддатда капитализация амалга оширилмаган ва банкнинг молиявий аҳволи ёмонлашишда давом этган.
Банкни бошқа потенциал инвесторларга сотиш бўйича ўтказилган норасмий музокаралар муваффақиятсиз якунланган — харидор топилмаган.
МБ жараённи янада чўзиш келажакда банк активларининг мажбуриятларни (омонатларни) қайтаришга етмай қолишига олиб келишини англаб, кескин қарор қабул қилган. Ҳозирги кунда банкда ликвид маблағлар ва бошқа банкларга сотиш мумкин бўлган кредит портфели мавжуд.
Изоҳлар мавжуд емас