Ўзбекистон, Тошкент - Batafsil.uz. 2026 йил 1 январдан бошлаб Ўзбекистонда якка тартибдаги тадбиркорлар ва ўзини ўзи банд қилган шахслар электрон тўловларни қабул қилиш учун махсус QR-коддан фойдаланиши шарт. Унинг йўқлиги ёки нотўғри ишлатилганлиги учун катта миқдорда жарима солинади.
Солиқ кодексининг 221-моддасига киритилган ўзгартиришлардан кўриниб турибдики, QR-код тўлов ташкилотларининг рақамли платформаларида генерация қилиниши ва мижозлар билан ҳисоб-китобларни амалга оширишда фойдаланилиши керак. Бундай коднинг мавжуд эмаслиги назорат-касса техникаси ва (ёки) тўлов терминаллари қўлланилмаганига тенглаштирилади.
Ушбу қоидабузарлик учун 5 миллион сўм жарима белгиланган.
Ҳужжатда ўзганинг QR-кодидан фойдаланганлик учун жавобгарлик алоҳида кўрсатилган. Агар тадбиркор ёки ўзини ўзи банд қилган шахс бошқа шахс номига расмийлаштирилган QR-код орқали тўловларни қабул қилса, 20 миллион сўм жарима солинади.
Янги талаблар кичик бизнес ва ўзини ўзи банд қилиш соҳасида нақд пулсиз ҳисоб-китобларни кенгайтириш, тўловлар шаффофлигини ошириш ва солиқ назоратини кучайтиришга қаратилган.
Изоҳлар мавжуд емас