Ўзбекистон, Тошкент - Batafsil.uz. 2025 йилнинг январь–ноябрь ойлари якунларига кўра, Ўзбекистон банк тизимининг соф фойдаси 13,5 триллион сўмни ташкил этиб, ўтган йилнинг шу даврига нисбатан 57 фоизга ўсган.
Банк сектори учун жорий йил рекорд натижалар билан тарихга кирмоқда. Ҳали йил якунланмасданоқ, 2023 йилдаги энг юқори кўрсаткич (12,4 трлн сўм) янгиланган. Мамлакатдаги 35 та банкдан 27 таси ўз молиявий ҳолатини сезиларли даражада яхшилаган. Фойданинг энг катта ортгани ноябрь ойига тўғри келиб, бир ой ичида тизимдаги жами фойда 1,3 триллион сўмга кўпайган.
Энг юқори фойда кўрган банклар кучли бешлиги:
• "Миллий банк" — 1,45 триллион сўм;
• "Ўзсаноатқурилишбанк" — 1,39 триллион сўм;
• "Ҳамкорбанк" — 1,27 триллион сўм;
• "Капиталбанк" — 1,16 триллион сўм;
• "Orient Finance Bank" — 793,5 миллиард сўм.
Шунга қарамасдан Ўзбекистон Марказий банки кредит хатарларини камайтириш ва аҳолининг ҳаддан ташқари қарз юкини чеклашга қаратилган янги талабларни жорий этганди.
Изоҳлар мавжуд емас