Ўзбекистон, Тошкент - Batafsil.uz. Ўзбекистонда бизнес учун солиқ ҳисоботларини ўз вақтида тақдим этмаганлик учун жарималар камайтирилди, беш иш кунигача кечиктирганда эса санкциялар қўлланилмайди.
Унга кўра, солиқ ҳисоботларини белгиланган муддатда тақдим этмаганлик учун фуқароларга жарима БҲМнинг 3 бараваридан 1 бараваригача (412 минг сўм), мансабдор шахсларга эса БҲМнинг 10 бараваридан 3 бараваригача (1,2 млн сўм) камайтирилмоқда. Микрофирмалар ва кичик корхоналар учун жарима миқдори ҳам БҲМнинг 3 баравари миқдорида белгиланди.
Шунингдек, бир календарь ой давомида бир ёки бир неча солиқ турлари бўйича такроран ҳуқуқбузарликларга йўл қўйилган тақдирда, муддати ўтказиб юборилган барча ҳисоботлар учун битта ягона жарима қўлланилади.
Шунингдек, солиқ ҳисоботи белгиланган муддатдан кечиктириб, бироқ беш иш кунидан кечиктирмай тақдим этилган ҳолларда жарима санкцияларидан озод қилиш назарда тутилган.
Ўзгартиришлар 2026 йил 1 январдан кучга киради.
Аввалроқ Ўзбекистонда тадбиркорлар учун 1,6 мингдан ортиқ мажбурий талаблар бекор қилингани ҳақида хабар берилганди.
Изоҳлар мавжуд емас