Ўзбекистон, Тошкент - Batafsil.uz. Европа Иттифоқи 23 октябрь куни қабул қилинган 19-санкциялар пакетига ўзбекистонлик тадбиркор Рустам Мўминовни киритди. Европа Иттифоқи ҳужжатларида қайд этилишича, Мўминов учта - Ўзбекистон, Россия ва Буюк Британия фуқаролигига эга.
Брюссель маълумотларига кўра, 60 ёшли тадбиркор Фарғона кимё заводининг Фарғона пахта целлюлозаси ишлаб чиқариш заводини назорат қилади.
Европа Иттифоқида таъкидланишича, ушбу корхона маҳсулотлари Пермь ва Қозон порох заводларига етказиб берилган ва Россия қуролли кучлари қуролларини ишлаб чиқариш учун ишлатилган бўлиши мумкин.
Аввалроқ Марказий банк раиси Тимур Ишметов ҳар қандай халқаро чекловлар Ўзбекистон иқтисодиётига бевосита ёки билвосита таъсир кўрсатиши ва бу омиллар прогнозларни шакллантиришда ҳисобга олинишини таъкидлаганди. 24 октябрь куни бўлиб ўтган матбуот анжуманида у АҚШ ва Европа Иттифоқининг Россиянинг "Роснефт" ва "Лукойл" нефть компанияларига қарши янги санкцияларининг эҳтимолий таъсирига изоҳ берди.
Изоҳлар мавжуд емас