Ўзбекистон, Тошкент - Batafsil.uz. "Тоҳир ва Зуҳра" фильмининг янги талқинидаги Зуҳра образи орқали танилган актриса Паризода Бўрихўжаева ўз хейтери устидан ИИБга шикоят хати ёзди. Унинг Инстаграмм ижтимоий тармоғида дугоналари билан қўйган пости тагида изоҳ қолдирган кишига нисбатан 600 миллион сўм жарима қўлланилиши мумкин.
Актрисанинг айтишича, видео остига ёзилган изоҳ нафақат бир ўзига қаратилган, балки оиласидаги эркакларнинг номига қарата айтилган. Шу сабабли у бу ҳолатни қабул қила олмаган.
Натижада ҳудудий ИИБга ариза билан мурожаат қилган ва изоҳ ёзган "комментчи"ни топишган.
Тезкор қидирув натижасида асли Андижонлик бўлган фуқаро Тошкент шаҳрига чақирилган. Унга тушунтириш ишлари олиб борилгандан сўнг қилган ишидан пушаймон эканлигини, бу ишлар нотўғри эканлигини айтиб, узр сўраган.
Хейтер Паризоданинг барча эркак оила аъзоларидан узр сўраган.
Кейинчалик актриса агар бу иш судга оширилса, хейтерга нисбатан 600 миллион сўмдан ошиқ жарима қўлланишини айтган. Шу сабабли, унинг оиласини ўйлаб, унга "яхшилик" қилган ва аризасини қайтариб олган.
Эслатиб ўтамиз, хонанда Каниза ҳам ўз хейтери устидан судда ғолиб чиқганди.
Изоҳлар мавжуд емас