Ўзбекистон, Тошкент – Batafsil.uz. Олий Мажлис Қонунчилик палатаси депутатлари кичик габаритли транспорт ҳайдовчиларини маъмурий жавобгарликка тортишни, тез ёрдам машиналари ва ёнғин хизмати ҳайдовчиларини эса озод қилишни таклиф қилувчи қонун лойиҳасини қабул қилишган. Бу ҳақда мухбиримиз хабар бермоқда.
Қонун лойиҳасига кўра, тез тиббий ёрдам ва ёнғин-қутқарув бўлинмаларининг транспорт воситалари томонидан содир этилган ҳуқуқбузарликлар бўйича маъмурий ишларни тугатиш тартибини жорий этиш таклиф этилади. Бу ортиқча бюрократиядан қочиш учун амалга оширилмоқда.
Бундан ташқари, кичик габаритли транспорт воситаларини – скутер, мопед, велосипед ва бошқаларни бошқариш жараёнида содир этилган ҳуқуқбузарликлар учун маъмурий жавобгарликни белгилаш кўзда тутилган.
Эслатиб ўтамизки, аввалроқ депутатлар камерада қоидабузарликларни қайд этишда автомобил эгасини эмас, ҳайдовчини жазолаш тўғрисидаги қонунни рад қилишганди.
Изоҳлар мавжуд емас