Дмитрий Саттаров иши бўйича навбатдаги суд мажлиси прокурор келмаганлиги сабабли ўтказилмаган

Ўзбекистон, Тошкент – Batafsil.uz. Дмитрий Саттаровнинг умуртқа поғонаси сингани билан боғлиқ шов-шувли иш бўйича иккинчи суд жараёни прокурор йўқлиги сабабли яна бекор қилинган. Бу ҳақда мухбиримиз хабар бермоқда.

Таъкидлаш керакки,19 апрелга тайинланган олдинги суд жараёни прокуратура ходимлари аттестациядан ўтаётганлиги сабабли 22 апрелга қолдирилган эди.

Судга иккинчи марта келмаслик-бу жараённинг барча иштирокчиларига, шу жумладан судья, адвокатлар, гувоҳлар ва журналистларга нисбатан тўлиқ ҳурматсизликдир, ахир улар жараённинг асосий иштирокчиларидан бирини беҳуда кутиш учун бир соатдан кўпроқ вақт сарфлашган.

Бундан ташқари, Дмитрий ҳозирда ётган касал бўлиб, онаси билан бирга уйда, де-юре мажлисда видео алоқа режимида қатнашган. Аммо де-факто суд бу сафар ҳам жабрланувчини ва унинг оиласини видео алоқа билан таъминламаган, оқибатда нафақат у, балки барча иштирокчилар ҳам суд жараёни қандай ўтаётганини эшитиш ва кўришдан маҳрум бўлишган. Гарчи адвокатларнинг видео ва аудио эшиттириш тўғрисидаги илтимосномаси судья томонидан биринчи кўчма йиғилишида қондирилган бўлсада.

"Дима ўз адвокатларини ва жараённинг бошқа иштирокчиларини эшита олмайди ва кўра олмайди. Ҳар бир иштирокчи бу жараёнда тўлиқ иштирок этиш ҳуқуқига эга ва ундан ажралиб қолмаслиги лозимдир. Шундай қилиб, бизнинг ҳуқуқларимиз бузилмоқда!", - деди йигитнинг онаси Кристина Саттарова.

Унинг сўзларига кўра, "масофадаги" жабрланганлар билан алоқа фақат судьнинг ноутбуки орқали амалга оширилади ва Телеграмдаги видео формати юқори сифатли трансляция учун умуман мос эмас.

"Ўтган сафар биз судьядан бошқа ҳеч кимни кўрмадик. На адвокатларимиз, на прокурор, на айбланувчи Ғолиб Раҳматов эшитилмади. Ва энг муҳими, йиғилишдан кейин асосий ҳолатни кўрмадик: қайси аризалар қондирилди, қайси бири рад этилганидан бехабар қолдик. Биз бу ҳақда адвокатларимиздан билиб олдик холос", - деди у. 

Дмитрийнинг адвокатлари кейинги мажлисни техник жиҳатдан сифатли ўтказиш учун илтимосномалар беришган, бу учун Саттаровлар тўлиқ ҳуқуққа эга. Улар кейинги суд жараёнида тўлиқ иштирок этишларига умид қилишмоқда. Аммо агар бу илтимоснома, бошқалар сингари, рад этилса, ушбу ҳуқуқий кураш "номигагина" қилинмоқда, деб тахмин қилиш мумкин.