Ўзбекистон, Тошкент - Batafsil.uz. 2026 йилнинг дастлабки икки ойи давомида Ўзбекистонда жами 64 221 дона енгил автомобиль ишлаб чиқарилди. Миллий статистика қўмитаси маълумотларига кўра, мамлакатда ишлаб чиқарилаётган ҳар учинчи янги машина Cobalt русумига тўғри келмоқда.
Жорий йилнинг январь-февраль ойларидаги кўрсаткич ўтган йилнинг мос даврига нисбатан 6,9 минг донага ошган. Бу мамлакат автомобиль саноатида ишлаб чиқариш ҳажми барқарор ўсишда давом этаётганидан далолат беради.
Ишлаб чиқариш занжирида анъанавий моделлар билан бир қаторда янги брендлар ҳам ўз ўрнини мустаҳкамламоқда:
-
Cobalt — 23 216 дона (муайян етакчи);
-
Damas — 12 301 дона;
-
Tracker — 6 210 дона;
-
Onix — 5 215 дона.
Маҳаллий бозорда нафақат давлат улуши бўлган корхоналар, балки бошқа брендларнинг ҳам кўрсаткичлари диққатга сазовор:
-
KIA — 4 039 дона;
-
BYD — 3 165 дона;
-
Haval — 2 405 дона;
-
Chery — 1 290 дона.
Маълумот учун, 2025 йил якунларида мамлакатда жами 457 883 дона енгил автомобиль ишлаб чиқарилган. Унинг таркибида Cobalt улуши 161 152 тани ташкил қилиб, мутлақ етакчига айланган.
Изоҳлар мавжуд емас