Ўзбекистон, Тошкент - Batafsil.uz. Рақобат қўмитаси дори воситаларига белгиланган устамаларни асоссиз оширган олтита йирик фармацевтика корхонасининг лицензиясини бекор қилди. Ўтказилган текширувлар натижасида мингга яқин дорихона истеъмолчилардан 8,5 миллиард сўм ортиқча пул олгани аниқланган.
Мамлакатда дори-дармон нархлари устидан назорат ўрнатувчи Fair tech ахборот тизими 2025–2026 йиллар давомида 414 мингдан ортиқ қонунбузилиш ҳолатларини қайд этган. Натижада нарх сиёсатини қўпол равишда бузган ва белгиланган тартибга риоя қилмаган қуйидаги компаниялар бозордан четлатилган:
- FARM EFFEKT компанияси
- PHARMA BREND компанияси
- GIPOFIZ FARM компанияси
- MAXSUDBEK BIZNES компанияси
- THE GREAT FARM компанияси
- MEDEX GROUP PHARM компанияси
Умумий ҳисобда 991 та дори ташкилоти (152 та улгуржи ва 839 та чакана) нархларни сунъий оширгани фош этилган. Рақобат қўмитаси аниқланган 8,5 миллиард сўмлик асоссиз даромадни истеъмолчилар фойдасига қайта ҳисоб-китоб қилиш чораларини кўрган.
Ҳозирда барча ҳужжатлар Фармацевтика маҳсулотлари хавфсизлиги марказига топширилган. Қўмита дорихоналарнинг "қора рўйхати"ни шакллантиришда давом этишини ва нархларни назорат қилиш ишларини тўхтатмаслигини маълум қилган.
Аввалроқ Фармацевтика тармоғини ривожлантириш агентлиги аҳолини дорихоналардаги референт нархларни текширишга чақирганди.
Изоҳлар мавжуд емас