Ўзбекистон, Тошкент - Batafsil.uz. Келгуси йилнинг 1 март санасидан бошлаб, рақамли маркировка қилинган муддати ўтган товарларни сотиш автоматик равишда блокланади. Бундай товарнинг QR-коди сканер қилинса, чек чиқмайди.
Президент Шавкат Мирзиёев 6 октябрда истеъмолчилар ҳуқуқларини самарали ҳимоя қилиш чора-тадбирлари тўғрисида фармон имзолади.
Ҳужжатга кўра, 15 октябрдан 2025 йилдан 1 январгача нодавлат нотижорат ташкилотлари истеъмолчилар ҳуқуқларини ҳимоя қилишда иштирок этиши мумкин. Улар маҳсулот ва хизматларни махсус текшириш мақсадида харид қилиб кўриш ва дўконларга «махфий харидорлар» юбориш ҳуқуқига эга бўлади.
Бундан ташқари, 1 декабрдан янги тизим жорий этилади. У истеъмолчилар мурожаатларини кўриб чиқишни соддалаштириб, тезлаштиради ва аҳоли, бизнес, ННТ ҳамда давлат органлари ўртасидаги ҳамкорликни очиқ ва самарали қилади.
Изоҳлар мавжуд емас