Ўзбекистон, Тошкент - Batafsil.uz. Президент Шавкат Мирзиёев вояга етмаганларга нисбатан жинсий жиноятлар учун умрбод озодликдан маҳрум қилиш жазосини жорий этиш, хотин-қизлар ва болаларга нисбатан зўравонлик учун жавобгарликни кучайтириш ташаббусини қўллаб-қувватлади.
Бу чора-тадбирлар "Маҳаллани ривожлантириш ва жамиятни юксалтириш йили" дастури ҳамда "Ўзбекистон - 2030" стратегиясини амалга оширишга оид давлат дастури лойиҳаларидан ўрин олган. Бундай жиноятларни тергов қилиш прокуратура органларининг мутлақ ваколатига ўтказилади, ишларни юритиш учун эса махсус терговчилар ва судьялар тайёрланади.
Аввалроқ Олий Мажлис Қонунчилик палатаси депутати Дилноза Азизова болаларга нисбатан жинсий зўравонликнинг ҳар қандай шакли учун умрбод озодликдан маҳрум қилиш жазосини белгилаш ташаббуси билан чиққанди. Бунга Наманган вилоятида эркак 7 ёшли қариндошини зўрлагани сабаб бўлган. Шу билан бирга, эркак турли жиноятлар, жумладан, номусга тегиш ва жинсий эҳтиёжни зўрлик ишлатиб ғайритабиий усулда қондириш учун бир неча бор судланган.
Изоҳлар мавжуд емас