Ўзбекистон, Тошкент – Batafsil.uz. Ўзбекистон ва Буюк Британия Ташқи ишлар вазирлари Бахтиёр Саидов ва Девид Кэмерон Тошкентда минтақавий ва халқаро муносабатлар ва инфратузилма соҳасида кенг қамровли ҳамкорлик тўғрисидаги декларация ва ҳамкорлик меморандумини имзолашган. Бу ҳақда мухбиримиз хабар бермоқда.
Ўзбекистон ТИВ маълумотларига кўра, вазирлар учрашуви давомида асосий эътибор иқтисодий алоқаларни мустаҳкамлашга қаратилган.
"Британия томонининг ишбилармонлик алоқаларини фаоллаштиришга ва таълим соҳасида ҳамкорликни чуқурлаштиришга кўмаклашишга тайёрлигини қадрлаймиз", - деди Ўзбекистон Ташқи ишлар вазири Бахтиёр Саидов.
Расмий учрашувлардан сўнг Британия вазири Тошкентда сайр қилиб, уста-кулоллар ишлари билан танишган ва афсонавий Тошкент паловини татиб кўрган.
Таъкидлаш лозимки, Буюк Британия ташқи сиёсат идораси раҳбарининг олдинги ташрифи 1996 йил январ ойида бўлиб ўтган.
Эслатиб ўтиш керакки, кеча Тожикистонга ташрифи чоғида Девид Кэмерон Буюк Британия ва Марказий Осиё ўртасидаги муносабатларда "янги давр" ни эълон қилган.
Изоҳлар мавжуд емас