Ўзбекистон, Тошкент - Batafsil.uz. 60 миллион сўм алимент пулини тўлашдан қочиб юрган шахс туман шифохонасига борганида Суд ижро бюроси ходимлари қўлига тушиб қолган.
МИБ Наманган вилоят бошқармаси маълумотига кўра, қарздор узоқ йиллар давомида алимент тўламаган ва чет элга ишлаш учун кетган. Суд қароридан сўнг, у қидирувга берилган.
Эркак вақтинча уйига қайтиб, маҳаллий шифохонага келганида, ўзини шифокор деб таништирган МИБ ходими уни алоҳида хонага олиб кирган. У ерда қарздорга қидирувда эканлиги маълум қилиниб, ижро ҳаракатларини давом эттириш учун МИБнинг туман бўлимига бориш таклиф қилинган.
Кутилмаган қўлга олишга эркак: "Сизларни деб шифохонага ҳам боролмас эканмиз", деди.
Изоҳлар мавжуд емас