Ўзбекистон, Тошкент – Batafsil.uz. Фарғона шаҳрида яшовчи эркак 11 йил давомида вояга етмаган болани боқиш учун алимент тўлашдан бош тортиб юрган. Ашаддий қарздор маҳаллий тунги клубда топилган. Бу ҳақда мухбиримиз хабар бермоқда.
Маълум бўлишича, 2013 йилнинг апрелидан 2024 йилнинг майигача эркакнинг катта қарзи тўпланган ва Мажбурий ижро бюросининг Фарғона шаҳар бошқармаси уни қидирувга берган. МИБ ходимлари ва ҳуқуқни муҳофаза қилиш идораси ходимлари томонидан ўтказилган қўшма тунги рейд давомида қочқоқ "Мажнунтол" тунги клубида топилган.
Хабар қилинишича, энди алимент тўловчининг ишини судга юбориш ва унга маъмурий жазо тайинлаш учун ҳужжатлар тайёрланмоқда.
Изоҳлар мавжуд емас