Ўзбекистон, Тошкент - Batafsil.uz. Давлат Хавфсизлик Хизмати (ДХХ) ва Ички ишлар органлари ҳамкорлигида ўтказилган тезкор тадбирда, Қирғизистондан контрабанда йўли билан олиб кирилган қарийб 3 кг гашиш моддасини Тошкент шаҳрида сотмоқчи бўлган икки нафар фуқаро қўлга олинган. Гиёҳвандлик воситаларининг қиймати 23 минг долларга баҳоланмоқда.
Андижон – Тошкент йўналишида ҳаракатланаётган Lacetti русумли автомобиль текширилганда, машинадан гиёҳвандлик моддаси топилган.
Асосий айбланувчи, Андижон шаҳрида яшовчи, 1984 туғилаган фуқарога тегишли бўлган, жами 2 кг 994 гр "гашиш" моддаси аниқланиб, процессуал тартибда расмийлаштирилган.
Тезкор тадбир давом эттирилиб, гиёҳвандфурушнинг жиноий шериги ҳисобланган, 1993 йил туғилган бошқа фуқаро ҳам қўлга олинган.
Аниқланишича, улар гиёҳвандлик воситасини Қирғиз Республикасидаги наркосавдогарлардан 23 минг долларга сотиб олишган ва уни контрабанда йўли билан мамлакатимизга олиб ўтишган.
Ҳозирда иккала шахсга нисбатан Жиноят Кодексининг 28, 246-моддаси 2-қисми (Контрабанда) ва 25, 273-моддаси 5-қисми (Гиёҳвандлик воситаларини ўтказиш) билан жиноят иши қўзғатилиб, уларга нисбатан "қамоқ" эҳтиёт чораси қўлланилган. Тергов ҳаракатлари олиб борилмоқда.
Эслатиб ўтамиз, Тошкентда 17 кг синтетик гиёҳванд модда билан шуғулланган йирик наркогуруҳ қўлга олинганди.
Изоҳлар мавжуд емас