Ўзбекистон, Тошкент - Batafsil.uz. Ижтимоий тармоқларда Бухоро вилояти Жондор туманидаги шифохоналардан бирида содир бўлган йирик ёнғин ҳақида видео тарқалди. Вилоят Фавқулодда вазиятлар вазирлиги ҳолатга изоҳ берди.
Вазирликнинг аниқлик киритишича, ёнғин клиникада эмас, балки ҳозирда фойдаланилмаётган уч қаватли бинода содир бўлган.
Ёнғин сигнали 30 сентябрь куни соат 19:17 да келиб тушган. Воқеа жойига 6 та ёнғин-қутқарув экипажи етиб келган. Соат 19:30 да ёнғин қуршаб олинган ва соат 20:55 да тўлиқ бартараф этилган.
Ҳодиса оқибатида тан жароҳати олганлар йўқ. Ёнғин сабаблари ва етказилган зарар миқдори аниқланмоқда.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас