Ўзбекистон, Тошкент - Batafsil.uz. Бухоро вилояти ҳуқуқ-тартибот идоралари ходимлари корхона ҳисоб рақамидан қарийб бир миллиард сўмни алдов йўли билан ўзлаштирган фирибгар рецидивистни қўлга олди.
Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
Аниқланишича, муқаддам фирибгарлик жинояти учун судланган фуқаро ўзининг пластик картасига 995,7 миллион сўм олган. Пуллар корхона учун ёнилғи-мойлаш материаллари сотиб олишга мўлжалланган экан. Бироқ, катта миқдордаги пулни қўлга киритгач, у ўз мажбуриятларини бажармади.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Сурхондарё вилоятида фирибгар маҳаллий фуқароларнинг пулларини гўёки чорва молларини сотиб олиш учун ўзлаштирган эди. У қилмиши учун етти йил қамоқ жазоси олди.
Изоҳлар мавжуд емас