Ўзбекистон, Тошкент – Batafsil.uz. Қариндоши томонидан жинсий зўравонликка учраган ёш бола бўйича суд жараёни Чилонзор тумани ИИБда икки марта ёпилган ва туман прокуратураси бунга рози бўлган. Жабрланувчининг ота-онаси пойтахт прокуратурасига шикоят қилмоқчи. Бу ҳақда NeMolchi.uz лойиҳаси маълумотларига асоснланган ҳолда мухбиримиз хабар бермоқда.
Эслатиб ўтамизки, 2023 йил сентябрь ойида Чилонзор тумани ички ишлар бўлими ўша пайтда 6 ёшда бўлган вояга етмаган болага қарши икки йил давомида бузуқ хатти-ҳаракатлар қилган эркакка қарши жиноий ишни ёпганди. Далиллар базаси – жабрланувчининг кўрсатмалари, тиббий ва психологик экспертиза хулосалари ва бошқа ҳужжатларга қарамай жиноят таркиби тан олинмаган.
Оммавий ахборот воситаларида шов-шув кўтарилганидан сўнг, иш бўйича тергов қайта тикланган ва яна шу терговчига юборилган. Аммо қайта тергов натижаларига кўра ҳам, иш яна ёпилган, бу гал “жиноят таркиби йўқлиги” сабабли.
Жабрланувчининг ота-онаси Чилонзор тумани прокуратурасига шикоят билан мурожаат қилган, иш ёпилганлигини у ерда ҳам тасдиқлашган.
Жабрланувчининг ота-онаси терговчининг ишни ёпиш тўғрисидаги қарорига рози эмас ва шикоят билан Тошкент прокуратурасига мурожаат қилмоқчи.
Лойиҳа фаоллари ва журналистлари Тошкент шаҳар прокуратураси бу ишни кўриб чиқади, адолат қарор топади ва айбдор ўз жазосини олади, деб умид қилишмоқда.
Изоҳлар мавжуд емас