Ўзбекистон, Тошкент - Batafsil.uz. Самарқанд вилоятида тергов жараёнида қўй ўғирлашда гумонланган 64 ёшли аёл вафот этди. Бу ҳақда "Эзгулик" инсон ҳуқуқлари жамияти раиси Абдураҳмон Ташанов маълум қилди.
Маълумотларга кўра, аёл 25 июль куни қўлга олинган ва эҳтиёт чораси сифатида Самарқанд шаҳридаги 7-сон тергов ҳибсхонасига жойлаштирилган. У қандли диабет билан оғриган бўлса-да, адвокатларга тиббий экспертиза ўтказишга рухсат берилмади.
Соғлиғи ёмонлашгандан сўнг, гумонланувчи Тошкентдаги "Сангород" ихтисослаштирилган шифохонасига ўтказилган, бироқ тез орада яна изоляторга қайтарилган. Кеча унинг вафот этгани маълум бўлди.
Расмий идоралар ҳозирча ҳолат юзасидан муносабат билдирмади.
Эслатиб ўтамиз, аввалроқ Тошкент вилоятидаги бир нечта вақтинча сақлаш ҳибсхоналари санитария-гигиена талабларига жавоб бермагани учун ўз фаолиятини тўхтатганди.
Изоҳлар мавжуд емас