Ўзбекистон, Тошкент - Batafsil.uz. Наманган вилоятида етти ёшли қизни зўрлаганликда гумонланаётган 38 ёшли эркак қўлга олинди.
"Kun.uz"га маълум бўлишича, жиноят жорий йилнинг 14 октябрь куни Янгиқўрғон туманида содир бўлган.
Маълум бўлишича, 1987 йилда туғилган эркак тоғасининг тўйига борган. Тадбирда уй эгасининг етти ёшли невараси ҳам иштирок этган. Унинг ишончи ва вояга етмаганлигидан фойдаланиб, эркак болани алдов йўли билан четга олиб чиқиб кетган ва ёш қариндошига нисбатан жинсий зўравонлик ҳаракатларини содир этган.
Шундан сўнг жиноятчи қочиб кетган, бироқ икки кундан кейин қўлга олинган. 16 октябрь куни Янгиқўрғон туман суди қарори билан унга нисбатан қамоққа олиш тарзидаги эҳтиёт чораси қўлланилган.
Манбаларга кўра, ҳозирда жабрланган қизалоқ жонлантириш бўлимида.
Маълум қилинишича, қўлга олинган шахс муқаддам шу турдаги жиноятлар учун икки марта жиноий жавобгарликка тортилган. У 2014 йилда Жиноят кодексининг 112-моддаси ("Ўлдириш ёки зўрлик ишлатиш билан қўрқитиш"), 119-моддаси ("Жинсий эҳтиёжни зўрлик ишлатиб ғайритабиий усулда қондириш") ва 277-моддаси ("Безорилик") билан айбланиб, 10 йил муддатга озодликдан маҳрум этилган.
2020 йилда у яна суд олдида жавоб берган — бу сафар Жиноят кодексининг 118-моддаси («Зўрлаш») бўйича айбдор деб топилиб, 10 йил 2 ой муддатга озодликдан маҳрум этилган. Бироқ нима учун у 2025 йилда озодликка чиққани номаълум.
Изоҳлар мавжуд емас