Ўзбекистон, Тошкент - Batafsil.uz. Қримдаги суд ноқонуний миграция иши бўйича ҳукм чиқарди. Жиноий схема ташкилотчиси - Ўзбекистон фуқароси умумий тартибли колонияда беш йилга озодликдан маҳрум этилди.
Унинг уч нафар шериги - икки нафар Боғчасаройлик тадбиркор ва хорижликларга ўз уйидан жой берган маҳаллий фуқаро икки йил синов муддати билан беш йилга шартли қамоқ жазосига ҳукм қилинди.
Тергов маълумотларига кўра, гуруҳ Қримда ноқонуний равишда ишлашни истаган хорижликларни ёллаш билан шуғулланган. Улар Сак ва Белогор туманларидаги қурилиш объектларида ишлашга жалб қилинган. Бу мигрантларга минтақада ноқонуний бўлиш ва патентсиз ишлаш имконини берди.
Аввалроқ Россиянинг Нижний Новгород вилоятидаги Арапово қишлоғидаги паррандачилик фабрикасида ўзбекистонлик ноқонуний мигрантлар аниқлангани, улар орасида болалар ҳам борлиги ҳақида хабар берилган эди. Улар расмий рухсатномаларсиз меҳнат қилганлар. Ноқонуний бандликни Богородский округининг собиқ депутати Станислав Караганский ташкил қилган.
Изоҳлар мавжуд емас