Ўзбекистон, Тошкент - Batafsil.uz. Амур вилоятидаги Амур федерал трассасида Toyota Harrier енгил автомобили ва бензовоз иштирокида юз берган мудҳиш йўл-транспорт ҳодисаси оқибатида тўрт киши воқеа жойида вафот этган.
Дастлабки маълумотларга кўра, Чита – Хабаровск йўлининг 1324-километрида (Шимановск округи) Toyota Harrier ҳайдовчиси қарама-қарши йўналишга чиқиб кетган ва бензовоз билан тўқнашган. Зарба натижасида енгил автомобил ҳайдовчиси ва унинг уч нафар йўловчиси олган жароҳатлари туфайли ҳаётдан кўз юмган.
Айрим оммавий ахборот воситаларида ҳалок бўлганлар Ўзбекистон фуқаролари эканлиги ҳақида хабарлар тарқалмоқда, бироқ бу маълумот ҳозирча расмий идоралар томонидан тасдиқланмаган. Айни пайтда ҳуқуқ-тартибот органлари ҳодисанинг барча тафсилотларини ўрганмоқда.
Ҳозирча ҳолат юзасидан расмий маълумот берилгани йўқ.
Изоҳлар мавжуд емас