Ўзбекистон, Тошкент - Batafsil.uz. Сирдарё вилоятида яшовчи фуқаро кекса отасини ярим тунда уйидан ҳайдаб чиқаргани учун қамоққа олинди. Нафақахўр эркак бу воқеадан аввал ўғли унга қўл кўтарганини ҳам сўзлаб берди.
Millar телекўрсатувида маълум қилинишича, воқеа Ховос туманида содир бўлган. Эркак маҳаллий чойхонада дўстлари билан учрашиб, маст ҳолда уйига қайтган. Жабрланувчининг сўзларига кўра, ўғли унга бақириб, зарба берган ва кўчага ҳайдаб чиқарган, у ерда эрталаб соат тўртгача қолишга мажбур бўлган.
Жабрланувчи ички ишлар органлари ходимларидан ёрдам сўрашга мажбур бўлган. Участка нозири ота ва ўғил ўртасидаги зиддиятлар аввал ҳам бўлганини тасдиқлади.
Судда айбланувчи спиртли ичимлик ичганини баҳона қилиб, раҳм-шафқат сўради. У майда безорилик моддаси бўйича айбдор деб топилиб, беш сутка маъмурий қамоқ жазосига ҳукм қилинди.
Изоҳлар мавжуд емас